"Сапалы сабақты жоспарлаудың негізі - тиімді ҚМЖ" тақырыбында жас мамандармен семинар

N5 Ақарал жалпы орта білім беретін мектеп-гимназиясында 29.10.2025ж 

Жас жалын кәсіби тұлғалы жас мамандар мектебінің жылдық жоспарына сәйкес және эксперименталды алаңның жоспары негізінде тәжірибелі ұстаздар Алайдарова Жанат Калдарбекқызы мен Каримова Сабира Шакирқызы  "Сапалы сабақты жоспарлаудың негізі - тиімді ҚМЖ" тақырыбында жас мамандармен семинар өткізді.

Бұл семинар жас мамандардың педагогикалық шеберлігін арттыру, сабақты тиімді жоспарлау жолдарын меңгерту және Қысқа мерзімді жоспардың (ҚМЖ) құрылымын сапалы құрастыруға бағытталған.  

Семинар барысында мұғалімдер:

- ҚМЖ-ның негізгі компоненттерімен танысты;  

- Сабақ мақсаттарын дұрыс құрастыру әдістерін үйренді;  

- Белсенді оқыту стратегияларын тиімді жоспарлау жолдарын меңгерді;  

- Өзара тәжірибе алмасып, практикалық тапсырмалар орындады.