Педагогикалық әдеп жөніндегі кеңестің ІІІ отырысы
13.01.2025ж. №5 Ақарал жалпы орта білім беретін мектеп-гимназиясында педагогикалық әдеп жөніндегі кеңестің ІІІ отырысы өткізілді.
Күн тәртібінде:педагогтардың кұқықтары; педагогтардың көпшілік ортадағы нормалары; педагогикалық әдепті қамтамасыз ету және сақтау мәселелері қаралды.
Жиналысты педагогикалық әдеп төрайымы Г.Наушабаева ашып, қатысушы педагогтарды күн тәртібінде қаралатын мәселемен таныстырып өтті, бірінші мәселе бойынша педагогтардың құқықтары — мұғалімдердің кәсіби міндеттерін орындауға, білім беру процесінде өз құқықтарын жүзеге асыруға, сондай-ақ жеке және кәсіби дамуына бағытталған заңды негізде берілген құқықтар мен мүмкіндіктер жиынтығы екенін түсіндіріп айтты.
Педагогтардың құқықтары олардың кәсіби қызметін тиімді, еркін және әділ түрде жүзеге асыруға мүмкіндік береді. Педагогтар өз құқықтарын дұрыс пайдалану арқылы оқыту сапасын арттыруға, оқушылардың білім деңгейін жақсартуға, сондай-ақ білім беру саласын дамытуға зор үлес қосатынын түсіндірді.
Күн тәртібінде екінші мәселе бойынша жаратылыстану пәндері әдістемелік бірлестік жетекшісі, тәжірибелі ұстаз К.Калманбетова педагогтардың көпшілік орындағы нормалары туралы айтты.
Үшінші мәселе бойынша тәжірибелі ұстаз Г.Касымов педагогикалық әдепті қамтамасыз ету және сақтау қажеттілігі туралы айтты.Бұл мұғалімнің кәсіби қызметінде этикалық нормаларды, моральдық құндылықтарды сақтауы, сонымен қатар оқушылармен, ата-аналармен және әріптестермен қарым-қатынаста жоғары моральдық деңгей мен әділдікті сақтау процесі саналатынын түсіндірді.
Педагогикалық әдепті сақтау — бұл білім беру ұйымының тиімді жұмыс істеуінің және оқушылардың дұрыс тәрбиеленуінің негізі. Әдептілік мұғалімнің кәсіби имиджін қалыптастырып, оқу ортасының моральдық ахуалын жақсарту болып табылатыны айтты.
