«Қазіргі заман педагог имиджі мен этикасы» форсайт сессия

Ағымдағы жылдың 20-шы қыркүйек күні мұғалімнің оң имиджін қалыптастыру мақсатында мектебімізде «Қазіргі заман педагог имиджі мен этикасы» форсайт сессия  ұйымдастырылды.

      Мұғалім мамандығы ерекше болғандықтан, ол әрдайым көпшіліктің алдында. Сонымен имидж – сіздің бойыңыздағы талантыңыздың жан-жақты ашылып, жарқырап көрінуі, өзіңіз туралы жақсы пікірдің қалыптасу жолы. Мұғалім өз имиджін өзі жасау керек, бұған киім таңдауы да жатады. Мұғалім имиджіндегі басты құрал, оның даусы, дауыс ырғағы, оны сабақта қолдана білуі. Оқушылармен қарым-қатынас жасауда сөйлесе білу, дұрыс қарым-қатынас қалыптастыру мұғалім біліктілігінің басты көрсеткіші. Сонымен мұғалім имиджі – бұл ішкі және сыртқы мазмұн бірлігі.

     Имидж-тұлғаның  бойындағы таланттың жарқырап ашылуы, өзі туралы жақсы пікір қалыптастыру жолы. Имиджді түзеу процесі және педагогикалық іс-әрекеттің табыстылығы мұғалімге байланысты. Сондықтан да кәсіби мамандығын жан жақты меңгерген педагог  қана жоғары бағаланып, әріптестері мен шәкірттерінің ыстық ықыласына бөленбек.