"Бір айда - бір кітап" атты ата-аналармен бірлескен байқау

21.01.2025ж №5 Ақарал жалпы орта білім беретін мектеп-гимазиясында эксперименталды алаң жобасы аясында 4 а,ә,б сыныптар арасында "Бір айда - бір кітап" атты ата-аналармен бірлескен байқау өткізілді. Байқау барысында Ы. Алтынсариннің "Бай баласы" әңгімесі талданды. Мақсаты: Әңгіме оқиғасын және оның негізгі идеясын түсіну. Әңгіменің тәрбиелік мәнін ашып, қарапайымдылық, еңбекқорлық, адамгершілік сияқты құндылықтарды анықтау. Ата-ана мен бала арасындағы байланысты нығайту арқылы оқушылардың кітап оқуға деген құштарлықтарын арттыру. "Ой қозғау" бөлімінде ата-аналар мен балалар алдын ала оқыған әңгіме бойынша сұрақтарға жауап берді. "Мақалды жалғастыр" бөлімінде достық, еңбекқорлық, адалдық тақырыптарында мақал-мәтелдер айтып жарысты. Келесі бөлімде балалар мен ата-аналарына мәтін мазмұны бойынша тест тапсырмасы берілді. Нәтижесінде ең көп ұпай жинап, І орын иеленген - Темірбековтер әулеті, ІІ орынды- Сағатбек әулеті мен Әсілбаевтар әулеті, ІІІ орынды - Әлдибековтер, Зерікбай және Ибашовтар әулеті иеленді.