Оқушы айдары «Кітап-адам жанының айнасы»

19.12.2024 жылы эксперименталды алаң жоспарына сәйкес «Оқушы айдары» бағдарламасының жас журналистері Талғат Нұрсауле мен Жұман Зерделім Меркі аудандық кітапхана орталығына саяхат ұйымдастырды. Мақсаты: Мектеп оқушыларын кітап оқуға деген қызығушылығын аша отырып, кітапхананың қоғамдағы рөлі туралы ақпаратпен бөлісу болып табылды. Жас журналистердің сұхбатында Меркі аудандық орталықтандырылған кітапхана жүйесінің әдіскері Шакарова Нағима Айтқалиқызы және библиография бөлімінің кітапханашысы Әли Гүлзира Тілеужанқызы кітап адам баласының сан ғасырлық ақыл-ойының жемісі, тарихы мен тағылымының алтын сандығы екені туралы ойын білдіріп, жас оқырмандарға кітап таңдап, талғап оқи білу, оны түсіну мен түйсіну, алған әсерді өмір қажетіне жарата білу - әрбір адамның білігі мен білімін, пайымы мен парасатын айқындайтын алғы шарттардың біріне тоқталды. Сұхбат соңында кітапханашылар жас журналистерге алдағы жоспарларына сәттілік тілей отырып, алғыстарын білдірді.Ұйымдастырушылар эксперименталды алаң мүшелері.